Gyrid Axe Øvsteng (f. 1974) har studert teatervitskap og litteratur og er utdanna dramapedagog. Ho arbeider som dramatikar og var ein av tre studentar i eit toårig pilotprosjekt for dramatikarar. Tekstene hennar er oppførte ved Nationaltheatret, Det Norske Teatret og Det Åpne Teater. Ho debuterte med Køyr (oppført 2000). Ho har skrive einaktarane Ja! (oppført 2002) og Linedans (oppført 2003) samt kortteksten Understraumar (oppført 2001). Arv er hennar første heilaftens drama (oppført under Samtidsfestivalen 2005). Her var ho også representert med kortteksten Bussen (utgjeve i antologi 2005). ARV. Det var ein gong ei mor som hadde tre søner som heitte Per, Pål og Espen, dei ville ut å freiste lykka. Det var ein gong tre brør som hadde ei død mor og tinga etter henne og rett i søpla med dei. Det var Per og Pål og Espen og nett slik det skal vera, eg fann eg fann, kva fann du, kast det, eg har slikt å gjera og bera. Har slikt å bera, og det var nytt skin og søpla full av gull, det var gul