No har eg pynta brura. Med denne boka om mjølk, vil eg gjerne at du skal bli like glad i mjølk og mjølkemat som alle dei flotte budeiene i heile landet er. Eg vil gjerne opne ei verd for deg som lesar, som er fylt av kjærleik til historia vår, som er fylt av kunnskap om ei råvare som er gull verdt, og som har gjort det mogeleg for oss å overleva. Kva hadde me vore utan smør? Smøret gav oss pengane. Pengane kunne me byte til varer me ikkje hadde. Smøret var ein stor ressurs. I dag ser me at verdien av kulturlandskapet på setrane rundt i landet gjev oss eit rikt beite for dyra. Det kjem til nytte når ein skal sjå på kvalitet og smak på dei produkta som vert produsera. Det er ein stor rikdom å arbeide med ei so rein, frisk og frodig råvare som mjølk er. Mjølka står støtt og godt på eiga hand. Bodil Nordjore
All the categories
