Akti lij, ij nav ájggá, báhtjasj, guhti åroj avta bájkátjin muhtem rijkatjin. Sån lij sierralágásj báhtjasj, guhti oalle dábálasj vegajn viesoj. Sujna lidjin moadda siesá, muohtá, goaske, tjietje, iege ja æddnu, ja vil moadda oarbbenbiele ja vielljabiele. Ienemusá sijás dábálattja lidjin, valla akta muohtá lij vehik ietjálágásj. Báhtjasj oalle buoragit lijkkuj ietjas muohtáj, dan diehti gå dát muohtá tjabu stågaj, lávloj ja geldulasj subttsasijt subtsastij divna birra ma lidjin suv birra. Muohtá ittjij goassak subttsasijt lågå muhtem subtsasgirjes, danen gå sujna lidjin divna dá subttsasa ietjas oajve sinna. Lidjin subttsasa majt sån bånij tjáppa hievnneværmátjijda, ma silbbahárppon slierggijin bæjvádagán. Dan diehti báhtjasj ittjij hievnijs balá. Suv mielas hievnnevierme nav tjáppaga lidjin, sierraláhkáj mannela gå lij rássjodam. Dalloj degu diamánntan slierggij bæjvádagán. Gå báhtjasj muohtájnis miehtsen váttsatjij, muohtá agev sunji subtsastij prinsaj, prinsessaj, ihtjaj, gadnihij j