Draumen om å reise Mange har ein draum om å gjere ei spesiell reise, eller berre dra av stad på ei reise, den store reisa. Kanskje dra opp på det høge fjellet, krysse hava, eller vitje ein spesiell stad. Boka Lykke på reisa og denne boka, er litt av historia om korleis Kari Tveiten og Andreas Raknes realiserte sine reisedraumar. I oktober 1983 tok dei seks månaders permisjon frå jobbane sine og reiste som ryggsekkturistar i USA, Chile, Argentina, Bolivia og Peru, i hovudsak med buss og tog. Dei vart fascinerte av denne reisemåten som gjev god kontakt med land og folk. I åra som kom, reiste dei til Mexico, Guatemala, Cuba, Brasil og attende til Argentina, Bolivia, Peru og Chile, og til slutt austover til Borneo. Dei vart pensjonistar som 62-åringar, og frå slutten av 2001 vart det nye turar til Sør-Amerika og seinare til Indonesia, Laos, Kambodsja, Usbekistan, Turkmenistan, Iran, Tyrkia, Kina og Vietnam. Kari Tveiten, f. 17.12.39. Har arbeidd med flyktningar i flyktningrådet i Bergen, s