Selma er ein ung barnehagetilsett, ho deler hus med kjærasten Vilde, idet ei tredje kvinne, Ane, også flyttar inn. Bestemor til Selma kjem på sjukehus med hjarteinfarkt, Selma og mor hennar er bekymra for henne. Så ein dag forsvinn mora. Selma reiser frå sine for å leita etter henne; medan ho er i det tomme huset til mor si, låser ei ukjend kvinne seg inn. Aanestad syner eit spekter av mekanismer desse kvinnene imellom, eit nett av medvitne og umedvitne val. Det handlar om mødre og døtre, kjærleik og oppbrot, om å dra eller bli verande. Denne elegante romanen har ein liketil og presis tone, og eit voldsomt trykk.
All the categories
